Davranış qaydaları
  1. Əhatə dairəsi

Bu Stadion Qaydaları müvafiq milli və ya yerli qanunvericiliklə və sanitariya tədbirləri ilə əlaqədar tətbiq olunan hər hansı bir siyasət və prosedurlarla birlikdə 2018-2020 UEFA Avropa Futbol Çempionatının (bundan sonra “UEFA EURO 2020 ™”) final turniri ilə əlaqədar istifadə edilən stadion obyektlərinə daxil olan bütün bilet və / və ya akkreditasiya sahiblərinə şamil edilir Avropa Futbol Assosiasiyalarının İttifaqı (bundan sonra "UEFA") və bundan sonra "ev sahibi assosiasiyalar" adlandırılacaq UEFA AVRO-2020 Ev Sahibi Assosiasiyaları, yəni Niderland Kral Futbol Assosiasiyası (KNVB), Azərbaycan Futbol Federasiyaları Assosiasiyası (AFFA), İspaniya Kral Futbol Federasiyası (RFEF), Rumıniya Futbol Federasiyası (FRF), Macarıstan Futbol Federasiyası (MLSZ), Danimarka Futbol Assosiasiyası (DBU), Şotlandiya Futbol Assosiasiyası (SFA), Futbol Assosiasiyası (FA), Alman Futbol Federasiyası (DFB), İtaliya Futbol Federasiyası (FIGC) və Rusiya Futbol Birliyi (RFS) tərəfindən təşkil edilən 2018–20 UEFA Avropa Futbol Çempionatının (bundan sonra UEFA AVRO-2020™) final turniri ilə əlaqədar stadion ərazilərinə daxil olan bütün bilet və/və ya akkreditasiya sahiblərinə tətbiq olunur.

Bu “Stadion qaydaları”nda göstərildiyi kimi stadion (bundan sonra "Stadion") dedikdə bütün girişlər və çıxışlar daxil olmaqla, UEFA AVRO-2020tm matçının oynanılacağı, oynanıldığı və ya oynanılmış stadion obyektləri ərazisində və onun lap yaxınlığında yerləşən və yalnız UEFA AVRO-2020tm matç bileti (bundan sonra "Bilet") və/və ya UEFA AVRO-2020tm akkreditasiyası (bundan sonra “Akkreditasiya”) ilə çıxış əldə oluna bilən bütün ərazilər nəzərdə tutulur.

Stadiona daxil olmaq üçün bilet və ya akkreditasiyanın tələb olunduğu bir müddət ərzində bu “Stadion qaydaları” və “Qadağan olunmuş əşyaların siyahısı” (qüvvədə olan qanun və qaydalara əsasən və UEFA tərəfindən başqa məlumat verilmədiyi təqdirdə) digər dövrlərdə stadionda oynanılmış və/və ya keçirilmiş digər matçları və/və ya tədbirləri tənzimləyən stadion qaydalarını əvəz edir.

“Stadion qaydaları” bu qaydaların icraya yönəldildiyi müddət ərzində istənilən vaxt UEFA AVRO-2020™ turnirinin rəsmi veb-səhifəsində (www.euro2020.com/StadionQaydaları) mövcuddur və onları, həmçinin, stadionun girişlərində və daxilində görmək mümkündür .

Hazırkı Satdion Qaydalarına əlavə, hər kəs UEFA EURO 2020 Tamaşaçı Davranış Qaydalarına və ya UEFA EURO 2020 Akkreditə Olunmuş Şəxslərin Davranış Qaydalarına müvafiq olaraq riayət etməlidir.

  1. Giriş
    1. Stadiona girişə yaşından asılı olmayaraq hər bir fərdi şəxs üçün etibarlı bilet və/və ya akkreditasiya təqdim edildikdən sonra icazə verilir. Bilet və/və ya akkreditasiya UEFA və/və ya müvafiq ev sahibi assosiasiyası tərəfindən təyin edilmiş istənilən şəxsin, yaxud polis əməkdaşının tələbi ilə stadionun girişində və daxilində yoxlanış üçün göstərilməlidir. Tələb olunduğu təqdirdə rəsmi sənəd kimi şəxsiyyəti təsdiq edən sənəd göstərilməlidir. Tələblərə əməl etmədikdə, bu zaman stadiona girişinizə icazə verilməyəcək və ya siz stadiondan uzaqlaşdırılacaqsınız.
  1. Biletlərin və ya akkreditasiyaların etibarlılığı və istifadəsi müvafiq UEFA AVRO-2020™ şərtlərinə və qaydalarına əsasən müəyyən edilir. Bilet və ya akkreditasiya sahibləri stadiona yalnız bu cür qaydalar və şərtlərə əsasən əldə edilən/verilən və ya istifadə edilən bilet və ya akkreditasiya ilə daxil ola bilərlər.
  1. Yaşı 16 yaşdan kiçik olan bilet sahiblərinin stadiona girişinə yalnız onlar üçün məsuliyyət daşıyan həddi buluğ yaşına çatmış şəxsin müşayiəti ilə icazə veriləcək. Müşayiət edən şəxs də etibarlı bilet sahibi olmalıdır.
  1. Əlil şəxslər əlillər üçün etibarlı bilet təqdim etməklə bu məqsədlə təşkil edilmiş girişlərdən istifadə edərək əlillər üçün ayrılmış sahələrə daxil ola bilərlər. Onları müşayiət edən hər hansı bir şəxs də həmçinin etibarlı biletə sahib olmalıdır. UEFA və/və ya müvafiq ev sahibi assosiasiya tərəfindən təyin edilmiş hər hansı şəxs tərəfindən tələb edildiyi təqdirdə, əlilliyin olmasını sübut edən sənəd təqdim olunmalıdır.

  1. Nəqliyyat vasitələrinin stadionda idarə edilməsi və park edilməsi yalnız UEFA və/və ya müvafiq ev sahibi assosiasiyanın xüsusi icazəsi ilə mümkündür.
  1. Şəxsi nəzarət
    1. Stadiona daxil olan hər kəs biletini və/və ya akkreditasiyasını UEFA və/və ya müvafiq ev sahibi assosiasiya tərəfindən təyin edilmiş şəxsə, yaxud polis əməkdaşına göstərməli və tələb olunarsa, yoxlanış üçün təqdim etməlidir.
  1. UEFA və/və ya müvafiq ev sahibi assosiasiya tərəfindən təyin edilmiş hər hansı şəxs, yaxud polis əməkdaşı,o, cümlədən texniki vasitələrdən istifadə etməklə, insanların ictimai asayişin potensial pozulması riskini daşıyıb-daşımadığını, xüsusən də spirtli içki və ya narkotikdən istifadə edib-etmədiklərini, yaxud silah və ya digər qadağan olunmuş əşyalara sahib olub-olmadıqlarını yoxlamaq hüququna malikdir. UEFA və/və ya müvafiq ev sahibi assosiasiya tərəfindən təyin edilmiş hər hansı kvalifikasiyalı şəxs, yaxud polis əməkdaşı istənilən bir şəxsin üzərində və əşyalarında axtarış aparmaq hüququna malikdir.

  1. Qadağan olunmuş əşyalar UEFA və/və ya müvafiq ev sahibi assosiasiya tərəfindən təyin edilmiş hər hansı şəxs tərəfindən müsadirə ediləcək, yaxud da mümkün olduqda, sahibi tərəfindən saxlanılmaq üçün təhvil veriləcəkdir. Yuxarıdakı subyektlər və ya onların nümayəndələri müəyyən əşyaları saxlamaq üçün təhvil verməkdən imtina etmək hüququna malikdirlər.

  1. Stadion qaydalarına riayət etməkdən imtina edən və ya təhlükəsizliyin pozulması riskini daşıyan istənilən şəxs, ona qarşı edilə bilən istənilən digər hərəkətin tətbiqini məhdudlaşdırmadan stadiondan kənarlaşdırılmalıdır və onun stadiona daxil olmasına icazə verilməməlidir.

  1. Biletdən icazəsiz istifadə edən və ya stadion qadağasının tətbiq olunduğu hər hansı bir şəxsin stadiona girişinə icazə verilməyəcək və “Bilet satışı üzrə qaydalar və şərtlər”ə uyğun olaraq, bu cür şəxslər biletlərini dərhal UEFA və/və ya müvafiq ev sahibi assosiasiyaya (göstərildiyi kimi) qaytarmalıdırlar. Eyni qaydalar “Akkreditasiya qaydaları və şərtləri”nə uyğun olmayan hər hansı bir akkreditasiya istifadəsinə də tətbiq edilir.
  1. Stadion daxilində davranış
    1. Stadiona daxil olan bütün şəxslər:

  1. elə davranmalıdırlar ki, başqalarına zərər və xətər yetirməsinlər, onları təhlükəyə məruz qoymasınlar və ya həddən artıq narahat edib və bezdirməsinlər, yaxud hər hansı bir zərər verməsinlər;
  2. UEFA və/və ya müvafiq ev sahibi assosiasiya tərəfindən təyin edilmiş şəxslərin və ya polis əməkdaşlarının, yanğınsöndürmə briqadası və ya digər xilasetmə xidmətlərinin göstərişlərinə əməl etməlidirlər;
  3. biletlərində göstərildiyi kimi, onlar üçün ayrılmış oturacaqları tutmalı və müvafiq giriş yollarından istifadə etməlidirlər. Hər hansı bir şəxs yalnız UEFA və/və ya müvafiq ev sahibi assosiasiya tərəfindən təyin edilmiş şəxs və ya polis məmuru tərəfindən xahiş edildiyi təqdirdə, təhlükəsizlik və ya əsas təşkilati/əməliyyat səbəblərinə görə biletində göstəriləndən başqa bir oturacaqda otura bilər.
  1. Aşağıdakılar qadağandır:

  1. tribunalardan meydançaya hər hansı növ obyektin atılması; və
  2. tribunalardan meydançaya daxil olmaq

və bu qaydaları pozan istənilən şəxs məsuliyyətə cəlb edilə bilər.

  1. Əgər hər hansı şəxs hər hansı əmlaka dəyən ziyan və ya hər hansı növ insident haqqında xəbərdar olarsa, bu zaman həmin şəxs dərhal UEFA və/və ya müvafiq ev sahibi assosiasiya tərəfindən təyin edilmiş şəxsi və ya polis əməkdaşını bu barədə məlumatlandırmaq üçün təcili tədbirlər görməlidir.
  1. Stadiona giriş bilet, akkreditasiya və/və ya müvafiq olduqda, əlavə giriş qurğusu ilə məhdudlaşmaqla həyata keçirilir.
  1. Həyata, sağlamlığa və ya əmlaka qarşı təhlükənin qarşısını almaq, azaltmaq və ya aradan qaldırmaq üçün əlavə müstəsna tələblər irəli sürülə bilər. UEFA və/və ya müvafiq ev sahibi assosiasiya tərəfindən təyin edilmiş şəxsin və ya polis əməkdaşının göstərişlərinə əməl olunmalıdır və bu tələblərə riayət etməyənlər stadiondan uzaqlaşdırıla bilər.

  1. Zibil və boş qablar stadionda yerləşdirilən zibil qabları və konteynerlərə atılmalıdır. Tullantıların ayrılması üzrə hər hansı təbdirlərə riayət olunmalıdır.

  1. Siqaret çəkmək üçün xüsusi ayrılmış yerlərdə qüvvədə olan qanunvericiliyə əsasən siqaret çəkilməsinə icazə verildiyi hallar istisna olmaqla, stadionda siqaret çəkmək, o cümlədən elektron siqaret və tütün məhsullarından istifadə etmək qadağandır.

  1. Stadionda pulla mərc etmək qadağandır.
  1. Səs və görüntülərin yazılması və ötürülməsi
    1. UEFA AVRO-2020tm matçında iştirak edən bütün insanlar təsdiq edirlər ki, onların səs və görüntülərindən, həmçinin stadionda olduqları müddətdə çəkilən və qeydə alınan və qeydə alınma ilə eyni vaxtda və ya bu matç və ya ümumiyyətlə UEFA AVRO-2020™ turnirindən sonra hər hansı vaxtda istifadə edilən hərəkətsiz təsvirlərdən və audio, vizual və/və ya audio-vizual materiallarından ödənişsiz istifadə edilə bilər.
  1. UEFA AVRO-2020™ matçında iştirak edən şəxslər şəxsi istifadə üçün nəzərdə tutulan hallar istisna olmaqla stadionun və ya matçın hər hansı səsini, görüntüsünü, yazılarını və ya təsvirlərini (hər hansı nəticə, statistika, məlumat və ya matçla əlaqəli tam və ya qismən hər hansı məlumatı) internet, radio, televiziya və ya hər hansı digər cari və gələcək daşıyıcılarda qeydə ala, istifadə edə və ya ötürə bilməz, yaxud bu cür fəaliyyətləri həyata keçirən digər insan(lar)a kömək edə bilməz.
  1. Qadağan olunmuş əşyalar və hərəkətlər

UEFA və/və ya müvafiq ev sahibi Assosiasiyanın icazəsi olmadan (müvafiq qaydada və vaxtda) aşağıdakı əşyaların stadiona gətirilməsi qadağandır:

  1. A4 (210 mm x 297 mm x 210 mm) ölçüsündən böyük çantalar;
  2. İstənilən növ silah, yaxud silah və ya mərmi kimi istifadə edilə bilən hər şey;
  3. Lazımi qaydada təsdiq edilmiş tibbi göstərişə əsasən tələb olunan əşyalar istisna olmaqla, istənilən növ şüşə, ,fincan və ya dəmir qablar, habelə plastikdən, şüşədən və ya hər hansı digər kövrək materialdan hazırlanmış başqa əşyalar;
  4. Fişənglər, məşəllər, tüstü barıtı, tüstü şaşkası və ya digər pirotexnika;
  5. Qaz spreyi qabları, aşındırıcı /alovlanan maddələr, boyalar və ya tərkibində sağlamlığa zərərli və ya oddan təhlükəli olan maddələr olan qablar;
  6. Lazer işarəediciləri;
  7. Dronlar;
  8. Lazımi qaydada təsdiq edilmiş tibbi göstərişə əsasən tələb olunan məhsullar istisna olmaqla, istənilən növ ərzaq məhsulları;
  9. Lazımi qaydada təsdiq edilmiş tibbi göstərişə əsasən tələb olunan maddələr istisna olmaqla, spirtli içki, dərman preparatları və ya digər kefləndirici və ya təhlükəli maddələr;
  10. Qərəzli təbliğat materialları daxil olmaqla, hər hansı təhqiredici, irqçi, ksenofob, cinsi, dini, siyasi və ya digər qeyri-qanuni/qadağan olunmuş materiallar;
  11. Bannerlər, nişanlar simvollar və informasiya vərəqələri daxil olmaqla, istənilən reklam, kommersiya obyektləri və ya materialları;
  12. Uzunluğu 1 (bir) metrdən və diametri 1 (bir) sm-dən çox olan elastik bayraq dirəkləri;
  13. 2.0 (iki) x 1.5 (bir yarım) metrdən böyük olan bannerlər və ya bayraqlar. Alovlanmayan hesab edilən və yerli qanunvericiliyin icazə verdiyi materiallardan hazırlanmış kiçik bayraqlar və banerlərin gətirilməsinə icazə verilə bilər.. 2.0 (iki) x 1.5 (bir yarım) metrdən böyük olan bütün bannerlər və ya bayraqların stadiona gətirilməsinə yalnız UEFA və/və ya müvafiq ev sahibi Assosiasiya tərəfindən təsdiq edilmiş yazılı tələb ilə icazə verilə bilər;
  14. Elektron, mexaniki və ya əllə işləyən meqafonlar kimi akustik qurğular;
  15. Peşəkar kameralar və video-kameralar, yaxud digər peşəkar səs və ya video yazma avadanlığı. Aydındır ki, kameralar, video-kameralar və digər peşəkar səs və ya video yazma avadanlığı şəxsi istifadə üçün stadiona gətirilə bilər və UEFA və/və ya müvafiq ev sahibi Assosiasiya tərəfindən bu formada qəbul edilməlidir;
  16. 5.2 maddəsinin qaydalarına zidd olaraq hər hansı bir məzmunun ötürülməsi və yayılması məqsədilə istifadə edilən bütün qurğular;
  17. Bələdçi və/və ya köməkçi itlər istisna olmaqla, heyvanlar (əgər bu cür bələdçi və/və ya köməkçi itlərin stadiona girişinə qüvvədə olan qanunvericilik çərçivəsində icazə verilərsə); və
  18. Qanunsuz və təhlükəli hesab edilən və/və ya yerli təhlükəsizlik orqanları tərəfindən icazə verilməyən istənilən digər material.

Stadiona gətirilmiş hər hansı bir əşya ilə bağlı hər hansı bir şübhə yaranarsa, UEFA və/və ya müvafiq ev sahibi assosiasiya tərəfindən təyin edilmiş müvafiq şəxs və ya polis əməkdaşı stadion qaydalarına əsasən hansı obyektlərin qadağan olunduğu və ya icazə verildiyi barədə qərar qəbul etmək üçün cavabdehlik daşıyır.

  1. Stadion daxilində aşağıdakılardan hər hansı birini etmək qəti qadağandır:

  1. hər hansı növ obyekti və ya mayeni xüsusilə digər bir şəxsin istiqamətində, meydança ətrafındakı əraziyə və ya meydançanın özünə atmaq;
  2. tonqal qalamaq və ya atəşfəşanlıq etmək, məşəl və ya digər pirotexnikaları yandırmaq və ya onların yanmasına səbəb olmaq;
  3. təhqiredici, irqçi, ksenofob, cinsi, dini, siyasi və ya digər qeyri-qanuni/qadağan olunmuş mesajları, xüsusən də qərəzli təbliğat ismarıclarını ifadə etmək və ya yaymaq;
  4. başqaları tərəfindən təhlükəli, təxribatçı, hədələyici, qərəzli və təhqiramiz hesab edilən bir şəkildə hərəkət etmək;
  5. müvafiq olduğu kimi UEFA və/və ya müvafiq ev sahibi assosiasiyanın əvvəlcədən yazılı icazəsi olmadan, mal və ya bilet satmaq, material (çap materialı daxil olmaqla) və ya hər hansı əşyaları yaymaq, kolleksiyalar tutmaq və ya digər reklam və ya kommersiya fəaliyyətlərini həyata keçirmək;
  6. üzərinə çıxmaq üçün nəzərdə tutulmayan konstruksiya və qurğuların üzərinə qalxmaq və dırmaşmaq;
  7. struktur elementlərə, qurğulara və ya keçidlərə nə isə yazmaq və ya onların üzərində rəsm çəkmək ya da yapışdırmaq;
  8. ayaqyolundan başqa yerdə özünü rahatlamaq, yaxud zibil, boş qablar və ya konteynerlər kimi əşyaları atmaqla stadionu zibilləmək;
  9. tamaşaçı ərazilərində oturacaqlar üzərində dayanmaq;
  10. tanınmağa əngəl kimi özünü gizlətmək və ya maskalamaq (xüsusən də sifəti); və
  11. qadağan olunmuş hər hansı digər davranış.

Yuxarıdakı siyahı yekun deyil.

  1. UEFA və/və ya müvafiq ev sahibi assosiasiya tərəfindən başqa bir hal nəzərdə tutulmayıbsa, stadion daxilində aşağıdakılardan hər hansı birini etmək qəti qadağan olunur:

  1. ictimaiyyət üçün bağlı olan və ya müəyyən bir bilet, akkreditasiya və/və ya müvafiq olduqda, əlavə giriş qurğuları sahibləri üçün girişin məhdudlaşdırıldığı ərazilərə (məsələn, fəaliyyət otaqları və ya VIP və KİV sahələri) daxil olmaq (əgər müvafiq şəxsin bu ərazilərə daxil olmaq hüququ yoxdursa);
  2. nəqliyyata açıq əraziləri, piyada keçidlərini və səkiləri, ziyarətçi sahələrinə girişləri və çıxışları, fövqəladə hallar üçün nəzərdə tutulan çıxışları məhdudlaşdırmaq və ya orada çox dolaşmaq; və
  3. meydançaya və ya meydançanın ətrafındakı əraziyə daxil olmaq.

Yuxarıdakı siyahı yekun deyil.

  1. Stadion qaydalarının pozulması

Qüvvədə olan istənilən qanuna əsasən, stadion qaydalarının hər hansı şəkildə pozulması aşağıdakı cəzaların tətbiq olunmasına səbəb ola bilər:

  1. stadiondan uzaqlaşdırma və polisə izahatın verilməsi;
  2. “Akkreditasiya qaydaları və şərtləri” və ya “Bilet satışı üzrə qaydalar və şərtlər”ə (hansı tətbiq olunursa) uyğun olaraq, UEFA AVRO-2020tm turnirinin bütün müddəti ərzində və ya onun bir hissəsində qaydaları pozan şəxsin bütün stadionlara girişinə qadağanın qoyulması;
  3. “Bilet satışı üzrə qaydalar və şərtlər”ə əsasən, qayadaları pozan şəxs tərəfindən həmin matç və ya digər UEFA AVRO-2020™ matçı üçün alınmış və ya əldə edilmiş biletin və ya hər hansı digər biletlərin kompensasiya ödəmədən ləğv edilməsi və etibarsızlaşdırılması;
  4. qüvvədə olan qanuna əsasən, qaydaları pozan şəxsin şəxsi məlumatlarının müvafiq tədbirlərin görülməsi (məsələn, milli stadionlara girişin qadağan olunmasıı) üçün müvafiq milli futbol assosiasiyası və/və ya polisə verilməsi;
  5. UEFA və/və ya müvafiq ev sahibi assosiasiya, yaxud digər səlahiyyətli şəxslər və ya qurumlar tərəfindən məhkəməyə müraciət edilməsi; və/və ya
  6. qüvvədə olan qanunvericiliyə əsasən, cərimələr və ya kompensasiyaların tətbiq edilməsi.

UEFA və/və ya müvafiq ev sahibi assosiasiya öz istəyi ilə hər hansı digər qanuni müdafiə vasitələrindən istifadə edə bilər.

  1. Video nəzarət

İctimaiyyətin təhlükəsizliyini təmin etmək üçün stadion müvafiq ev sahibi assosiasiya, polis əməkdaşları və ya özəl təhlükəsizlik işçiləri tərəfindən nəzarət olunan video nəzarət sistemi ilə təmin edilir və buradan əldə olunan görüntülərdən məhkəmə prosesləri zamanı istifadə edilə bilər. Bu cür görüntülərə çıxış hüququ yerli qanunvericiliyə uyğun olaraq verilir.

  1. Məsuliyyət

Qüvvədə olan qanunvericiliklə müəyyən edilmiş sərhədlər çərçivəsində, stadiona daxil olan şəxslər bunu öz riski bahasına etdiyini və stadiondakı hərəkətləri nəticəsində baş verə biləcək ziyan və ya itki üçün məsuliyyətə cəlb oluna biləcəyini qəbul edirlər.

  1. Müddəaların Hər Hansı Birinin Etibarsızlığı Və Ya Dəyişikliyi Halında Qaydaların Qüvvədə Qalması
    1. Əgər hər hansı səlahiyyətli məhkəmə tərəfindən stadion qaydalarının müddəalarından hər hansı biri etibarsız, təsirsiz və ya icraya yönləndirmək üçün qeyri-mümkün elan edilərsə, bu zaman stadion qaydalarının qalan hissəsi etibarsız, təsirsiz və ya icraya yönəldildməsi qeyri-mümkün olan müddəalar sanki mövcud olmadığı kimi qüvvədə qalacaq.

  1. UEFA və ev sahibi assosiasiyalar vaxt aşırı olaraq stadion qaydalarına müvafiq dəyişikliklər etmək hüququna malikdir və bu qaydaların ən son və qüvvədə olan versiyasına rəsmi UEFA AVRO-2020™ saytında (www.euro2020.com/StadiumRules) baxa bilərsiniz.

  1. Hüquqi qüvvəyə malik orijinal mətn

Stadion qaydaları ingilis dilində hazırlanmış və ən azı holland, alman, italyan, ispan, azərbaycan, fransız, rumın, macar, danimarka və rus dillərinə tərcümə edilmişdir. Mətnlər arasında hər hansı bir uyğunsuzluq olarsa, ingilis dilindəki versiyaya üstünlük veriləcək.

  1. Tətbiq olunan qanunvericilik və yurisdiksiya
    1. Stadion qaydaları müvafiq oyunun keçirildiyi ölkənin qanunvericiliyinə əsasən tənzimlənməli və şərh olunmalıdır.

  1. Stadion qaydalarından qaynaqlanan və ya onlarla əlaqədar yaranan bütün mübahisəli məsələlər müvafiq oyunun keçirildiyi ölkədə səlahiyyətli məhkəməyə təqdim olunmalıdır.